Apríl - ýmislegt/April Various things

VINNUSTOFAN/MY STUDIO

Ýmis verkefni stór og smá eru framundan. Á vinnustofunni er undirbúningur fyrir Bjarta daga í hámarki og að þessu sinni er það örsýningin "Sunnan vindur baby" sem opnar á Sumardaginn fyrsta 25.4. kl. 14-17 og viðburðurinn Gakktu í bæinn 26.4. kl. 18-21 þar sem listamenn í Hafnarfirði bjóða á vinnustofur sínar./Open studio days coming up. Selection of work with warm colors and the studio will be filled with plants. Culture in focus in Hafnarfjörður in April.

Sunnan vindur baby/Work in progress

Vinnustofan verður með suðrænum anda þessa daga, plöntur og verk valin saman á veggjum sem höfða til suðrænna slóða, en gefa jafnframt til kynna nýjan veruleika og hugsanaferli með hnattrænni hlýnun jarðar. Manni beinlínis hlýnar því um hjartarætur á viðburðinum “Gakktu í bæinn” föstudaginn 26. apríl kl.18-21. Opið verður á báðum hæðum á vinnustofu listamanns og hægt að skyggnast inn í vinnuferlið. Boðið verður upp á trópí og suðræna niðurskorna ávexti. Klukkan 20 tökum við lagið og syngjum nokkra suðræna slagara. Sýningin stendur einungis þessa daga en opið verður eins og venjulega eftir samkomulagi á vinnustofunni.

Sunnan vindur baby/Work in progress

NÁMSKEIÐ/PAINTING COURSES

Mars var námskeiðsmánuður á vinnustofunni. Það er alltaf gaman að taka á móti nýjum og áhugasaömum málurum og breyta vinnustofunni. Það er frábært að vera með allt innan handar , bækur, efni og áhöld og svo fara þátttakendur heim með eitthvað nýtt undir hendinni eða í kollinum. Námskeið 4 - Íblöndunarefnin sem er bara eitt skipti og í fyrirlestra- og sýnikennsluformi er greinilega að hitta í mark og nýtist þeim sem hafa verið að mála og eru með einhverja þekkingu.  Ég ætla að vera með það aftur 7. maí nk. og um að gera að skrá sig strax, síðast komust færri að en vildu. Ég auglýsi námskeiðin á facebook síðu minni: hér /

Several Oil Painting courses were at my studio in March and next one coming up on May 7th. from 4-8pm.

Íblöndunarefnin/Some oil material for the Art course

Íblöndunarefnin/Some acrylic material for the Art course

VINNUSTOFUDVÖL Í DÜSSELDORF Í MAÍ/

ARTIST RESIDENCY IN GERMANY IN MAY

Af og til þarf að fríska upp á listatilveruna og ég er svo heppin að vera að fara til Düsseldorf í maí í skiptiprógrammi sem SÍM er að byrja með í samstarfi við Verein der Düsseldorfer Künstler. 2 íslenskir listamenn munu dvelja þar og 2 þýskir listamenn koma til Íslands í ágúst. Ég hef reynslu af því að svona dvalir skila sér margfalt til baka, ótruflaður tími til að hugsa og skoða og skissa./Artist residency in Düsseldorf Germany coming up in May. An exchange program with SIM where two icelandic artists stay in May and two german artists in Iceland in August. From my experience a stay like that gives you time to focus and explore new art paths. 

Ísland/Apríl

SÝNINGAR/EXHIBITIONS 

 Það er kominn tími til að sýna Wish you were here póstkortaprojektið á Íslandi. Fyrir ári síðan vorum við Heike Liss í Chile, nú er það Mjólkurbúðin, Akureyri 3.-11. ágúst nk. Alltaf bætist við kortin og það verður gaman að sýna fyrir norðan. Sjá: https://www.wishyouwerehereproject.com/

Wish you were here/Just sent this. Hope it arrives safely
Búin að senda þetta ætli það skili sér?

Wish you were here/Just sent this. Hope it arrives safely
Búin að senda þetta ætli það skili sér?

Námskeið á vinnustofunni mars 2019/Painting courses March 2019

Þá er ég loks búin að skipuleggja vorið hjá mér og setja niður námskeiðin fram að páskum. Þetta er alltaf svolítið pússl því ég tek þátt í Björtum dögum sem eru oft í kringum Sumardaginn fyrsta og ég þarf að hafa tíma til skipuleggja það líka. /Painting courses at the studio in March. Let me know if you are interested, I will send some translation in english :) 

Mér finnst gott að láta byrja með skæra akrílliti og hafa gaman.

Svo fara verkin að taka á sig mynd....

En hér kemur þetta í belg og biðu, ég set þetta líka inn á facebook síðu vinnustofunnar sem viðburð, en skráning fer fram á soffiasaemundsdottir@gmail.com, í s:8987425 eða beint í gegnum fb síðuna. Það þarf að greiða staðfestingargjald(15.000) við skráningu og ef þið viljið taka fleiri en eitt námskeið þá er veittur afsláttur. 

*Athugið að hægt að hægt er að fá námskeiðsstyrk hjá stéttarfélögum. 

-->

Námskeið I

7. 9.&10. mars

fim, lau, sun

Staður sem er mér kær….

(gatan mín, húsið mitt, bærinn minn, sveitin mín, herbergið mitt, stofan mín…..)

Kennari: Soffía Sæmundsdóttir

Staður: Fornubúðir 8, 220 Hafnarfjörður

Hvað: Létt og lifandi námskeið í olíumálun fyrir byrjendur og lengra komna þar sem lögð er áhersla á að vinna með fáa liti og ná færni í litablöndun. Þátttakendur koma með ljósmynd, skissu eða hugmynd sem þeir vilja vinna með og fá hjálp við að útfæra viðfangsefnið á striga. Áhersla á vinnugleði og að taka sig ekki of hátíðlega. Lítill hópur og notalegt andrúmsloft

Efni: Unnið með akríllitum yfir í olíuliti. Allir litir og íblöndunarefni(línolía, terpentína) á staðnum en mætið með 1-2 striga í stærðinni 50x60 eða 60x70, olíuliti(og akrílliti) ef þið eigið þá, 1-3 pensla(nr.10, 12 og breiðan pensil ef þið eigið). Auk þess 2 krukkur með loki.

Fyrirkomulag

7.3. Fimmtudagur 17-19 Stutt kynning á viðfangsefni, skoðum bækur komum okkur fyrir og spjöllum. Veljum mynd til að vinna eftir.

9.3. Laugardagur 10-17  Grunnum striga, ákveðum myndefni í samráði við kennara og hefjumst handa. Málum með akríllitum og leggjum áherslu á að ná myndefninu á strigann. Notum olíuliti  seinni part dags.

10.3. Sunnudagur 11-17 Málum af gleði og leggjum síðustu hönd á verkin. Í lok tímans er stutt yfirferð og leiðbeint með framhald.

15 tímar

Mikið innifalið

Spennandi námskeið í olímálun þar sem unnið er með viðfangsefni sem er persónulegt og gaman að fast við. Lítill hópur og notalegt andrúmsloft á vinnustofu listamanns og á stuttum tíma næst mikill árangur. Hentar þeim sem hafa komið á námskeið áður en líka þeim sem eru að byrja að mála eða hefur alltaf dreymt um að mála með olíulitum. Góð byrjun og frábær upprifjun.

Verð: 35.000 (*hægt að skipta greiðslu).

Námskeið II

 14, 16, 17. mars

fim, lau, sun

Allt grænkar../Fjöll og dalir

Kennari: Soffía Sæmundsdóttir

Staður: Fornubúðir 8, 220 Hafnarfjörður

Hvað: Létt og lifandi námskeið í olíumálun fyrir byrjendur og lengra komna þar sem lögð er áhersla á að vinna með fáa liti og ná færni í litablöndun. Þátttakendur koma með ljósmynd, skissu eða hugmynd sem þeir vilja vinna með og fá hjálp við að útfæra viðfangsefnið á striga. Áhersla á vinnugleði og að taka sig ekki of hátíðlega. Lítill hópur og notalegt andrúmsloft

Efni: Unnið með akríllitum yfir í olíuliti. Allir litir og íblöndunarefni(línolía, terpentína) á staðnum en mætið með 1-2 striga í stærðinni 50x60 eða 60x70, olíuliti(og akrílliti) ef þið eigið þá, 1-3 pensla(nr.10, 12 og breiðan pensil ef þið eigið). Auk þess 2 krukkur með loki.

Fyrirkomulag

14.3. Fimmtudagur 17-19 Stutt kynning á viðfangsefni, skoðum bækur komum okkur fyrir og spjöllum. Veljum mynd til að vinna eftir.

16.3. Laugardagur 10-17  Grunnum striga, ákveðum myndefni í samráði við kennara og hefjumst handa. Málum með akríllitum og leggjum áherslu á að ná myndefninu á strigann. Notum olíuliti  seinni part dags.

17.3. Sunnudagur 11-17 Málum af gleði og leggjum síðustu hönd á verkin. Í lok tímans er stutt yfirferð og leiðbeint með framhald.

15 tímar

Mikið innifalið

 Spennandi námskeið í olímálun þar sem unnið er með viðfangsefni sem er persónulegt og gaman að fast við. Lítill hópur og notalegt andrúmsloft á vinnustofu listamanns og á stuttum tíma næst mikill árangur. Hentar þeim sem hafa komið á námskeið áður en líka þeim sem eru að byrja að mála eða hefur alltaf dreymt um að mála með olíulitum. Góð byrjun og frábær upprifjun.

Verð: 35.000 (*hægt að skipta greiðslu).

Námskeið III

12. og 13. mars

Hraðskissur/Flæði

Kennari: Soffía Sæmundsdóttir

Staður: Fornubúðir 8, 220 Hafnarfjörður

Hvað: Hressandi námskeið fyrir byrjendur og lengra komna þar sem lögð er áhersla á að temja sér hröð vinnubrögð og ná miklum árangri á stuttum tíma. Unnið með olíuliti og akrílliti með spaða, palettuhníf og tusku á pappír, pappaspjöld og strigaspjöld, Áhersla á vinnugleði og að taka sig ekki of hátíðlega. Lítill hópur og notalegt andrúmsloft

Efni: Allir litir og íblöndunarefni(línolía, terpentína) á staðnum en ætlast til að þátttakendur komi með annað skv. efnislista.

Fyrirkomulag

12.3. Þriðjudagur 17-20

- Stutt kynning á viðfangsefninu

- Farið yfir ýmsar gerðir af pappír og hvað ber að hafa í huga fyrir mismunandi aðferðir og ef á að mála á hann með olíulitum.

- Farið sérstaklega í myndbyggingu.

- Skoðum Coldwax og önnur íblöndunarefni í olíu og akríl sem henta þessari aðferð.

- Grunnum pappír og spjöld.

13.3. Miðvikudagur 16-20

Málum af gleði, prófum ýmsar aðferðir sem lagðar voru inn, vinnum nokkrar seríur mynda með mismunandi áherslum og leggjum síðustu hönd á verkin. Í lok tímans er stutt yfirferð og leiðbeint með framhald.

7 tímar

Mikið innifalið

 Gefandi námskeið í akríl og olímálun þar sem unnið er með viðfangsefni sem er nýstárlegt, persónulegt og gaman að fast við. Lítill hópur og notalegt andrúmsloft á vinnustofu listamanns og á stuttum tíma næst mikill árangur og getur orðið uppspretta nýrra verka og leiða. Hentar þeim sem hafa komið á námskeið áður en líka þeim sem vilja ná tengslum við listamanninn í sér og gleyma sér í litaflæði.

Verð 30.000

Olíulitir á pappír

Litir og litir og litir :) 

Íblöndunarefni.....

Námskeið IV

20. mars

kl. 16-20

Íblöndunarefnin

Kennari: Soffía Sæmundsdóttir

Staður: Fornubúðir 8, 220 Hafnarfjörður

Hvað: Yfirgripsmikið hnitmiðað námskeið þar sem farið er í ýmsa þætti olíumálunar og uppbyggingu málverka með áherslu á efnisnotkun, sérstaklega vax(coldwax) en einnig hvaða efni á að nota til að ná dýpt og lífga upp á málverk. Skoðað hvernig listamenn nýta sér vax og önnur efni í uppbyggingu málverka og hvaða leiðir eru færar í því samhengi.  Kennsla fer fram í fyrirlestra og sýnikennsluformi og áhersla á að sýna verk, skoða bækur og listamenn sem nýta sér íblöndunarefnin.

Námskeiðið hentar vel fyrir þá sem hafa verið að mála og langar að bæta við sig þekkingu eða vilja bara sækja sér innblástur.

4 klst.

Kaffi, te og létt hressing innifalin.

Verð: 15.000

Námskeið V

22.-24. mars

Frjáls málun

Námskeið sem hentar þeim sem hafa verið á námskeiðum áður og langar að hressa sig við, vinna að því sem er í pípunum eða bara byrja á einhverju nýju í “vernduðu umhverfi”. Byrjum á “Innblástursflæði” á föstudegi og skoðum bækur með listamönnum sem hafa áhrif á okkur eða við horfum til. Komum okkur fyrir í salnum og gerum klárt.

Helgar”workshop” laugardag og sunnudag frá 10-18 með hádegishléi. Í lokin yfirferð með spjalli þar sem spáð er í framhald.

Þáttakendur hafa frjálsar hendur með val á viðfangsefni og mæta með það sem þeir vilja vinna með. Innifalið er ómælt kaffi, blávatn, lyktarlaus terpentína, einhverjir litir og grunnar, hreinsiefni og tuskur.

Tími og fyrirkomulag nánar þegar skráningu er lokið.

Verð: 35.000

Um að vera skapandi/Being creative

Það er stundum erfitt að finna tíma og leiðir til að vera skapandi. Það er áhugavert að lesa hér um Josef Albers og hvaða sýn og leiðir hann lagði til í sinni kennslu, en hann var einn af frumkvöðlum Bauhaus (já ekki verslunarinnar heldur skóli sem hann kom á fót!!). Hann lagði áherslu á óhefðbundin tól og tæki við sína nemendur og sérstaklega hvað varðar litablöndun og litaskoðun og hvernig ætti að líta á teikningu. / It is sometimes difficult to find the time and know how to be creative. It is great to read about Josef Albers and his ways with his students. He was very strickt with using non traditional tools, especially in color studies and how to look at drawing.

Gult - rautt
Yellow - red

Blátt - gult
Blue - yellow

Skoðið þessa frábæru grein hér um Josef Albers og ekki úr vegi að prófa það sem hann lagði til í sinni kennslu til að hvetja okkur til að horfa og nota óhefðbundnar leiðir. Td að skrifa nafnið þitt með stórum stöfum og svo alveg eins afturábak./Look at this great article and J.A. ways in his teaching methods. Like writing your name and then writing it backwards. As a way of looking...and drawing.

Sjá hér: https://www.artsy.net/article/artsy-editorial-artist-josef-albers

Mér sýnist ég vera ómeðvitað að skoða þetta svolítið þessa dagana. Ég er að kenna í forföllum Teikningu 1 í Myndlistarskóla Reykjavíkur og nemendur eiga að teikna kassa, kúlu, keilu o.sv.frv. Ég hef því þurft að rifja upp og finna út hvernig maður kennir það sem manni finnst sjálfsagt og hvernig maður brýtur það upp, en líka hvernig kennir maður einhverjum að horfa, skoða, mæla og setja það á blað. Mjög áhugavert og hressandi. / I'm temporarily teaching Drawing 1, a beginners course in drawing. It is very interesting to figure out ways to teach what has become natural and spontanious for me. Very refreshing.

Mismunandi grunnar og litagleði
Different ground and playing with colors

Gott að hreinsa penslana á stórri plötu...hvað verður úr þessu?
Clean the brushes on a big plate...will it be something?

Svo er ég með námskeið á vinnustofunni framundan þar sem ég er að ýta fólki af stað sem er komið mislangt að mála og það er spennandi. Þá fer maður sjálfur að skoða og spá og prófa sig áfram. Josef Albers talar líka um mikilvægi þess að vera agaður en tilraunagjarn. Svo maður er líklega að reyna það. /I have painting courses coming up in the studio and my students are both beginners and advanced. So it is important to force yourself to experiment and figure out ways to open up this media, oil painting. Like J.A. talks about the importance of discipline and experiments.

traktorogmálverk#sýning#bjartirdagar2017

Sveitapiltsins draumur...Traktor og málverk

Hér á vinnustofunni er komið farartæki inn á gólf, næstum tilbúið til frumsýningar á Björtum dögum 2017. Farartækið er eldrauður traktor, Massey Ferguson 1972 módel ættaður frá Bjalla í Landsveit, sem Sveinn eiginmaður minn hefur verið að gera upp og setja saman undanfarin 5 ár. Hvert smáatriði er úthugsað, nýir miðar, nýtt sæti, nýsprautað húddið og svo mætti lengi telja.

Bara smá innsýn...meira seinna

For "Bjartir dagar", Hafnarfjörður cultural days on the first day of summer in Iceland, I will have an open studio and show paintings and a special vehicle that my husband has been remaking for the past 5 years. It is 1971 Massey Ferguson. It is bright red and looks amazing. I will put up some paintings to go with it and open the door for whoever comes by. The first day of summer has a special meaning in Iceland and it is great to be able to do something special to celebrate.

sveitalegir litir?

Óhjákvæmilega fer maður í náttúrulega sveitarómantík þegar kemur að því að mála myndir fyrir þennan viðburð. Veit ekki alveg hvaða málverk ég set á endanum upp á vegg í salnum, en svo verð ég líka með málverk til sýnis á efri hæð vinnustofunnar. Já já öllu tjaldað til.

Natura/Náttúra

Natura/Náttúra

Natura/Náttúra

Haven't fully decided what to put up in the gallery downstairs with the Ferguson. But of course nature, colors, dreams.....come to mind and on the canvas. We shall see.

Draumar?/Dream on... 

Landnám/Settler

Biðleikur/Waiting....

Apríldagar...Bjartir dagar...

Alltaf er nú indælt þegar komið er fram í apríl. Vinnustofan er málið þessa dagana og margt sem er á prjónunum. Viðburður er í uppsiglingu á Björtum dögum 19.-23. apríl. Þeir eru eins og svo oft hefur komið fram, menningardagar hér í Hafnarfirði og ég hef alltaf tekið þátt með einhverskonar viðburði. Að þessu sinni í samstarfi við eiginmanninn sem aldrei fyrr, því ég hef "boðið honum" að frumsýna hér uppgerðan traktor, Massey Ferguson 1971 módel, sem tekið hefur allan hans frítíma undanfarin ár, en er nú að verða tilbúinn. Traktorinn kemur frá Bjalla í Landsveit og mun fara þangað aftur í fyllingu tímans en gaman verður að sjá hann hér inni á gólfi eldrauðan og gljáandi.  

Skipulagning "Bjartra daga 2017"

Á veggjum vinnustofunnar ætla ég svo að setja upp litla sýningu með sveitastemmingu sem tónar vel við farartækið og aldrei að vita hvað ratar þar upp, en ég er að vinna að því þessa dagana.

Nokkrar myndir í vinnslu

Nokkrar myndir í vinnslu

Nokkrar myndir í vinnslu

Friðarhöfðinginn...annars konar farartæki þarna?

Átthagastemmur hjer og hjer....

Tiltekt/Cleraance -

Það er nauðsynlegt að rýma svolítið til hjá sér af og til, ekki bara með því að skúra og pússa, heldur líka að henda, skipta út hlutum og setja nýja inn. Ég er í þessum fasa núna hér á vinnustofunni. Það á vel við, enda mikið framundan og gott að hlaða batteríin, en líka vera sýnilegur og við því sumir koma aldrei til mín nema ég bjóði þeim sérstaklega ;) Ég hef því auglýst fastan opnunartíma þessa vikuna(6.-12.3.)og er við frá klukkan 13-16 hið minnsta alla daga. Tilvalið fyrir fólk að kíkja við og hægt að gera góð kaup þessa vikuna því ég er í þannig stuði.

Litir í hrúgu

Óreiða á borðinu 

Time to do a little cleaning and organize the studio for next event. Hafnarfjörður Cultural days(Bjartir dagar) will be from 19.-21. of April.

Loks búið að setja upp myndirnar

Málverkið "...slóð"er frá 2013. 

Stærð: 120x90

Það var á sýningu í Danmörku og víðar 

og hefur verið lengi fyrir augunum á mér. 

Ég vildi gjarnan að það fengi varanlega gistingu á góðum stað.

Málverkið Óvissuför(122x90 - 2017)
hefur verið lengi í vinnslu hjá mér og loksins tilbúið.
Undirtónninn er rauður og ég málaði þunnt yfir
sem gefur því hressandi blæ og margslungið yfirbragð.

Þarna má sjá ýmis verk máluð á undanförnum árum
 sem ég er mjög ánægð með,
enda hef ég notað þau á bolla, kort ofl.
Tilboð á kortum er alltaf vinsælt.
Bollana er eingöngu hægt að fá hjá mér og þeir eru hentugir í tækifærisgjafir.

Á Björtum dögum sem haldnir verða í kringum Sumardaginn fyrsta, 19. apríl ætla ég að bjóða upp á svolítið óvenjulegan viðburð sem ég kalla "Sveitapiltsins draumur" og hlakka ég mikið til að vinna að því. Kannski við hæfi að setja þessa mynd hér með sem gefur örlitla innsýn í það sem er framundan. Meira um það síðar.

"Sveitapiltsins draumur"?
Hver skyldi hann vera?

Rómantísk sýn eða hvað?