Friday, October 9, 2020

Október/October - Inn á við og út í heim/Inside - outside



Indlandssería 2020/ India series 2020
Það er margt gott við það að þurfa að líta inn á við og jafnvel stutt yfir skammt. Þá er ýmislegt sem kemur til manns, eitthvað sem fær mann til að hugsa um tímann og árstíðir, hversu hratt í raun tíminn líður og hvað það er mikilvægt að vera æðrulaus yfir því, þakka fyrir það sem var og er hvað svosem það er og var. 

Sannarlega má þakka fyrir margt og ekki síst því sem listamenn benda okkur á með verkum sínum. Þorvaldur Þorsteinsson myndlistarmaður lést langt um aldur fram, en verk hans og sýn á tilveruna var eftirtektarverð. "Taktu eftir því sem þú tekur eftir"sagði hann. Yfirlitssýning um verk hans var opnuð í lok ágúst í Listasafni Akureyrar. Hann hefði orðið sextugur 7. nóvember 2020 og það verður málþing þar af því tilefni. Lengi má manninn reyna heitir sýning hans í Listasafni Akureyrar og ég vona sannarlega að maður nái að komast norður heiðar þetta haust til að sjá hana og fara á málþingið eða bara fylgjast með á netinu./ It is necessary to look inside and out to the world. By doing that you realise how time goes fast by but also you can be grateful of all the artists that notice things and tell us about them in various ways. Four different websites from Museums around the world(Akureyri, Reykjavík, MOMA New York)represent different views on art and time and the world and how to deal with it.

Þessi mynd hér að ofan minnir mig á Þuríði Sigurðardóttur vinkonu mína og fádæma góða listamann sem hefur tileinkað sér það í sínum verkum að taka eftir því sem annars fer framhjá okkur. Hún átti nýverið myndir á sýningunni Allt sem sýnist á Kjarvalsstöðum og hér má sjá spjall sýningarstjórans Markúsar Arnar Andréssonar um sýninguna. 


Manni finnst ár og dagar síðan útlönd bar á góma. Þessi mynd er tekin á fallegum degi, vorið 2018 og er af mér og einkasyninum þegar hann ústkrifaðist frá Columbia háskólanum í kvikmyndaleikstjórn. Ég er nú ákaflega fegin að hann og fjölskylda eru flutt heim. Þetta var ógleymanlegur tími, margar ferðir voru farnar að spóka sig, skoða nýjasta nýtt, uppgötva stórborgina. Gott að eiga þessar minningar. En nú um stundir er áhugavert hvað stóru söfnin úti í heimi eru að gera á þessum tímum. Sum eru lokuð af og til, sum hafa verið lokuð en eru nú opin aftur og margar áskoranir sem þarf að takast á við. Ekki bara í starfi safnanna, heldur líka hvað á að fjalla um. Hér er gott dæmi um það hvað söfn geta lagt af mörkum á erfiðum tímum, hvað er það sem skiptir máli og hvernig er hægt að takast á við það þegar menning er nánast þurrkuð út á einum degi MOMA út í heim 

Það er stundum eins og maður láti áhugaverðar sýningar framhjá sér fara og það er alveg undir hælinn lagt hversu góðar upplýsingar eru um þær sýningar þegar þær eru liðnar. Þeir líbönsku listamenn sem áttu verk á þessari sýningu 

BEIRÚT, BEYRUT, BEYROUTH, BEYROUT

sem var í í Listasafn íslands 8.2.-31.3.2019 virka amk. mjög áhugaverðir ef maður flettir þeim upp og les sér til um þá. Það er svo margt hverfult. Nú má amk. ætla að líf þeirra flestra sé varanlega breytt. Eins og sjá má á myndböndum og viðtölum á MOMA vefnum sem ég vísa í hér að ofan, þá er leitað til listamanna og því sem þeir hafa að segja./ I missed this exhibition in Reykjavik last year for some reason. It is not easy to get an overview what is was about from the website and photographs. 

ÁHUGAVERÐIR TÍMAR

Mér finnst mikilvægt að tala um myndlist og segja frá því sem maður sér. Mér finnst líka mikilvægt að miðla því sem ég er að gera, koma því áfram, taka á móti þeim sem vilja skoða verk, miðla þekkingu og kunnáttu í málun með námskeiðum og með því að segja frá mínum verkum, en líka heyra hvað aðrir hafa um sín verk að segja. Nú þegar ekki er hægt að opna upp á gátt og ekki alveg víst hvernig mál þróast er mikilvægt að leita nýrra leiða til að halda uppteknum hætti. Það er vissulega áskorun og það eru þrátt fyrir allt áhugaverðir tímar!! It is necessary to talk about art, about paint and paintings, methods, inspiration other artists. Now it is impossible to have things like they always have been. It is a challenge to keep on going....but like always....interesting!!!!!


Tuesday, July 7, 2020

Dreggjar II /Remains of a stay II - Opnun 15.7. í Borgarbókasafninu Spönginni

Remains of a stay I
Ásta's work in Düsseldorf
She showed textyle and work on paper
Það er alltaf svolítið gaman að sýna á sumrin. Það er eins og manni leyfist meira, tekur sig ekki of hátíðlega. Það verður gaman að rifja upp kynnin við þessi verk sem ég vann í Düsseldorf fyrir rúmu ári síðan. Þau eru á pappír unnin með olíu/egg tempera litum og í mismunandi stærðum. Verk Ástu eru einnig á pappír en líka skúlptúrar og þrívíð verk, sem gaman verður að sjá í þessu skemmtilega rými í Menningarhúsinu í Spönginni(Borgarbókasafnið). Komið endilega á opnun, næsta miðvikudag klukkan 17. Sýningin stendur út ágúst/Welcome to the opening of Dreggjar II/Remains of a Stay II. Look forward to revisit the work I did in Düsseldorf last year at an artist residency.
https://borgarbokasafn.is/vidburdir/syningar/syning-dreggjar-ii

Yfirlitsmynd frá vinnustofunni sl. vor
Work in progress


Olíu/egg tempera á Steinpapier
Work in progress


Olíu/eggtempera á pappír
Oil/egg tempera on paper
Grausam und Grün I





Tuesday, May 12, 2020

Listin á tímum COVID/Art in Covid times

Þetta hafa verið skrýtnir tímar undanfarna mánuði. Það er óhætt að segja það. Það var því kærkomið þegar samkomubanni var aflétt 4. maí og vinnustofan sett í gang. Ég hef ekki setið auðum höndum undanfarna mánuði, en þó er einhvernveginn erfitt að finna kraftinn, einhver ládeyða yfir öllu og maður hefur svona verið í öðru. Apríl og maí eru yfirleitt bestu mánuðurnir, mikið um að vera, Bjartir dagar, Sjómannadagurinn, námskeiðslota, skipulag sumarsins ofl. 
Alltaf gott að taka til í litunum sínum.
Always a good start to put the colours in order
It's been difficult to find joy working on paintings as usual. Normally this is the best time of the year at the studio with events, people visiting, painting courses and more. That said, I have been working, painting, planning etc. It felt great on May 4th when first steps towards freedom in Iceland were taken. Still we need to be very cautious, wash our hands, use sanitizer, and keep 2 meter distance from other people. 
Boðið upp á sprittun við innganginn/
Please use the sanitizer before entering

Opið á vinnustofunni - Velkomin
My studio is open - Welcome
Það er notalegt að finna fyrir stuðningi og heimsóknum, sölu verka og fyrirspurnum. Endilega látið sjá ykkur. Alltaf opið þegar appelsínugula settið er komið út, alltaf hægt að mæla sér mót, hringja á undan sér í s:8987425 eða senda mér skilaboð á https://www.facebook.com/soffiasart/

It is really uplifting to have people dropping by at the studio again, purchasing some work or just looking at it making plans of future paintings etc.








Thursday, February 6, 2020

Yfirlýst tilvera - Gallerí Fold 1.-15.2.2020


Yfirlýst tilvera/Overexposed
Gallerí Fold 2020

Einkasýning mín "Yfirlýst tilvera"opnaði í Gallerí Fold um síðustu helgi. Það var margt um manninn og gaman að hitta mann og annan og sérstaklega fannst mér gaman að hitta fólk sem á mynd/myndir eftir mig og kveðst hafa fylgst með mér lengi, semsagt listunnendur./My Solo Exhibition "Overexposed opened in Fold Gallery last Saturday. A really nice opening, great crowd.  
Yfirlýst tilvera III/Overexposed III 2020
Olía og vax á tréplötu/Oil and coldwax on wood
 Verkin á sýningunni eru flest kláruð í upphafi árs, þó ég hafi verið að vinna þau allt undanfarið ár. Mig langaði að tefla saman stillu og óróleika og það sést vel á þessum myndum. / Most of the work was finished this year.
Á sjöunda degi/The seventh day 2020
Olía á tré/Oil on Wood

Í hallargarðinum sunnan megin/In the garden, south
 2020
Olía á tré/Oil on Wood 

Ég er búin að halda fjölmargar sýningar í Gallerí Fold, en fyrsta einkasýningin mín þar var árið 1996 og ég hef ekki tölu á hversu margar sýningar ég hef haldið eða tekið þátt í þar síðan. / I have had numerous solo shows at Fold Gallery since 1996 and participated in many exhibitions and events.
Gamli garður/Old garden 2020
Olía á striga/Oil on Canvas

Úr sýningarskrá : Flestir þekkja þá tilfinningu sem fylgir því að njóta útsýnis í náttúrunni eða horfa á landslag sem fer hjá út um bílglugga á ferð. Því fylgir ró, við virðum heiminn fyrir okkur af æðruleysi. Í seinni tíð er eins og þessi ró og æðruleysi hafi riðlast svolítið. Ólga í veðri magnar og ýkir liti náttúru og himins og framkallar birtuskil sem virka stundum eins og yfirlýst ljósmynd. Á sama tíma berast nýjar upplýsingar um framvindu og breytingar í náttúrunni sem ýta undir smæð mannsins í tilverunni.
 
Yfirlýst tilvera/Overexposed
Gallerí Fold 2020
Að sama skapi duga ekki lengur grænir og bláir litir og penslar víkja fyrir stórum spöðum til að tjá innri veruleika ferðalangsins. Krafan á manneskjuna í samtímanum er að láta sig hluti varða og gefa yfirlýsingu um tilgang og markmið með breytni sinni. Í íslensku landslagsmálverki gæti því nú um stundir birst sálarlíf málara eða jafnvel þjóðar. Eða hvað? Er ekki gott í sjálfu sér að staldra við, njóta útsýnis um stund í fegurð, litum og algleymi?


SAFNANÓTT SÝNINGARSPJALL OG GRAFÍKSMIÐJA
Grafíklitir og valsar
Á morgun föstudag er Safnanótt og að venju er fjölbreytt prógram Í Gallerí Fold. Ég verð með sýningarspjall og grafíksmiðju þar sem gestum býðst að þrykkja með neonlitum. /I will be having an artist talk at the exhibition on Museum Night/Winterfestival on friday and Printmaking Workshop as well. 
Sýningarspjall í Fornubúðum
A typical Artist talk at the Studio


-->

Thursday, January 23, 2020

Nýtt ár 2020 - Námskeiðin

Vinnustofa Soffíu/Fornubúðir 8
22. janúar 2020

Hér kemur yfirlit yfir námskeiðin í febrúar 2020. Athugið að það eru ýmsar upplýsingar hér á síðunni sem eru gagnlegar og myndir af námskeiðum ofl. 

Sjá einnig á https://www.facebook.com/soffiasart/ Skráning á námskeiðin er hafin og hægt að hringja í s:8987425, senda skilaboð á messenger eða senda tölvupóst á soffias@vortex.is. Svo má auðvitað alltaf kíkja við hjá mér á vinnustofunni.
Vinnugleði 

Litagleði

Staður mér kær  

Námskeið I 17.-20.febrúarMánudagur til fimmtudagsMorguntímar10-13 

Staður sem er mér kær….
(gatan mín, húsið mitt, bærinn minn, sveitin mín, herbergið mitt, stofan mín…..)

Kennari: Soffía Sæmundsdóttir
Staður: Fornubúðir 8, 220 Hafnarfjörður

Hvað: Létt og lifandi námskeið í olíumálun fyrir byrjendur og lengra komna þar sem lögð er áhersla á að vinna með fáa liti og ná færni í litablöndun. Þátttakendur koma með ljósmynd, skissu eða hugmynd sem þeir vilja vinna með og fá hjálp við að útfæra viðfangsefnið á striga. Áhersla á vinnugleði og að taka sig ekki of hátíðlega. Lítill hópur og notalegt andrúmsloft

Efni: Unnið með akríllitum yfir í olíuliti. Allir litir og íblöndunarefni(línolía, terpentína) á staðnum en mætið með 1-2 striga í stærðinni 50x60 eða 60x70, olíuliti(og akrílliti) ef þið eigið þá, 1-3 pensla(nr.10, 12 og breiðan pensil ef þið eigið). Auk þess 2 krukkur með loki. Gott að koma með vinnuskyrtu eða svuntu  

Fyrirkomulag

17.2. Mánudagur 10-13 Stutt kynning á viðfangsefni yfir kaffisopa, skoðum bækur komum okkur fyrir og spjöllum. Veljum mynd til að vinna eftir, komum okkur fyrir í sal. Grunnum striga.
18.2. Þriðjudagur 10-13 Málum með akríllitum og leggjum áherslu á að ná myndefninu á strigann. Notum olíuliti  seinni part dags.
19.2. Miðvikudagur 10-13 Málum með olíulitum
20.2. Fimmtudagur 10-15 Málum af gleði og leggjum síðustu hönd á verkin. Í lok tímans er stutt yfirferð og leiðbeint með framhald.

15 tímar
Mikið innifalið

Spennandi námskeið í olímálun þar sem unnið er með viðfangsefni sem er persónulegt og gaman að fast við. Lítill hópur og notalegt andrúmsloft á vinnustofu listamanns og á stuttum tíma næst mikill árangur. Hentar þeim sem hafa komið á námskeið áður en líka þeim sem eru að byrja að mála eða hefur alltaf dreymt um að mála með olíulitum. Góð byrjun og frábær upprifjun.

Verð: 35.000 (*hægt að skipta greiðslu).
 
Litir litir

Námskeið III
22. og 23. febrúar
Laugardagur/Sunnudagur
  
Hraðskissur/Flæði
Kennari: Soffía Sæmundsdóttir
Staður: Fornubúðir 8, 220 Hafnarfjörður

Hvað: Hressandi námskeið fyrir byrjendur og lengra komna þar sem lögð er áhersla á að temja sér hröð vinnubrögð og ná miklum árangri á stuttum tíma. Unnið með olíuliti og akrílliti með spaða, palettuhníf og tusku á pappír, pappaspjöld og strigaspjöld, Áhersla á vinnugleði og að taka sig ekki of hátíðlega. Lítill hópur og notalegt andrúmsloft

Efni: Allir litir og íblöndunarefni(línolía, terpentína) á staðnum en ætlast til að þátttakendur komi með annað skv. efnislista.

Fyrirkomulag
22.2. Laugardagur 11-15
- Stutt kynning á viðfangsefninu
- Farið yfir ýmsar gerðir af pappír og hvað ber að hafa í huga fyrir mismunandi aðferðir og ef á að mála á hann með olíulitum.
- Farið sérstaklega í myndbyggingu.
- Skoðum Coldwax og önnur íblöndunarefni í olíu og akríl sem henta þessari aðferð.
- Grunnum pappír og spjöld.

22.2. Sunnudagur 12-15
Málum af gleði, prófum ýmsar aðferðir sem lagðar voru inn, vinnum nokkrar seríur mynda með mismunandi áherslum og leggjum síðustu hönd á verkin. Í lok tímans er stutt yfirferð og leiðbeint með framhald.

7 tímar
Mikið innifalið

Gefandi námskeið í akríl og olímálun þar sem unnið er með viðfangsefni sem er nýstárlegt, persónulegt og gaman að fast við. Lítill hópur og notalegt andrúmsloft á vinnustofu listamanns og á stuttum tíma næst mikill árangur og getur orðið uppspretta nýrra verka og leiða. Hentar þeim sem hafa komið á námskeið áður en líka þeim sem vilja ná tengslum við listamanninn í sér og gleyma sér í litaflæði.

Verð 30.000

Íblöndunarefnin

Bækur um listamenn og annar fróðleikur

  
Námskeið IV
13. febrúar
Fimmtudagur
kl. 16-20

Íblöndunarefnin

Kennari: Soffía Sæmundsdóttir
Staður: Fornubúðir 8, 220 Hafnarfjörður

Hvað: Yfirgripsmikið hnitmiðað námskeið þar sem farið er í ýmsa þætti olíumálunar og uppbyggingu málverka með áherslu á efnisnotkun, sérstaklega vax(coldwax) en einnig hvaða efni á að nota til að ná dýpt og lífga upp á málverk. Skoðað hvernig listamenn nýta sér vax og önnur efni í uppbyggingu málverka og hvaða leiðir eru færar í því samhengi.  Kennsla fer fram í fyrirlestra og sýnikennsluformi og áhersla á að sýna verk, skoða bækur og listamenn sem nýta sér íblöndunarefnin.

Námskeiðið hentar vel fyrir þá sem hafa verið að mála og langar að bæta við sig þekkingu eða vilja bara sækja sér innblástur. Það er líka góður undirbúningur að öðrum námskeiðum, sérstaklega Námskeið III og IV sem henta lengra komnum eða þeim sem hafa verið að mála.

4 klst.
Kaffi, te og létt hressing innifalin.
Verð: 15.000



APRÍL
Fleiri námskeið eru fyrirhuguð á vinnustofunni í apríl frá 7.4. - 19.4. og verða auglýst betur þegar nær dregur.

Námskeið I verður í apríl (14.-17.4.) þriðjudagur-föstudags(morguntímar) 
Námskeið II Sólarkoma (17. 18. og 19. 4.) Helgarnámskeið NÝTT
Námskeið III verður í apríl (dagsetning auglýst síðar)

Námskeið IV - Íblöndunarefnin verður einnig haldið í apríl (Þriðjudagur 7.4. kl. 16-20)



Monday, October 21, 2019

Október - undarlegt sumar og framhald




Það er svolítið notalegt þegar haustið hellist yfir. Þá skapast tími og rými til að byrja á einhverju nýju eða halda áfram með það sem er í bígerð. Sumarið var óvenjulegt því ég lenti í veikindum í lok júní, fékk sýkingu við nýra sem beinlínis lagði mig flata og ég gat ekki unnið eða sinnt því sem ég er vön og þurfti að reiða mig á þá sem standa mér næst við alla hluti. Þetta var "lesson in life" því ég er alltaf alveg fílhraust og víla ekki fyrir mér að ákveða og gera það sem þarf að gera en við þessar aðstæður gat ég ekki gert neitt, hvað þá farið á vinnustofuna, unnið eða planað. /Fall is always nice. Then there is time to start something new or keep on doing the stuff you were doing. This summer was very different for me, I got serious kidney infection in the end of June and couldn't work or do anything for a long time and had to rely on my family and friends. It was a lesson in life, usually I am healthy and can do anything I care to do but not being able to do the usual housework, go to the studio or plan or PAINT was difficult.
Það léttir tilveruna að vera með þessa ungu stúlku í kringum sig.
Melkorka Úa Erlendsdóttir með ömmu í sveitinni.
Life is just perfect with little Melkorka Úa.
Sem betur fer er ég búin að fá heilsuna og orkuna mína að mestu til baka, en þarf þó að fara vel með mig, passa vel upp á hvíld, mat og drykk og að gera ekki of mikið í einu. Maður er reynslunni ríkari og þakklátur fyrir fólkið sitt, en veltir því líka fyrir sér hvernig maður nýtir sér þessa reynslu eða réttara sagt, mun þessi reynsla breyta mér á einhvern hátt?/ I have thankfully recovered and my energy is coming back, but I am careful, one day at a time and eternally greatful for the wonderful people around me. At the same time I wonder how or if this experience will change the way I work. Only time will tell. 
Listamessa Torg 2019
Torg Art Fair 2019
Það var hressandi að taka þátt í Torg listamessu á Korpúlfsstöðum í 4.-6. október. Maður hitti svo marga sem maður þekkti, en líka marga sem þekktu mig(en ég ekki þá :) ). Auk þess var svo góður andi á staðnum og ég var heppin að vera á góðum stað.

AðstoðarMaðurinn eini sanni / The assistant par excellance
It was great to participate in Torg Art fair that SIM organized 4.-6th of October in Korpúlfsstaðir. A lot of people I knew(also very many I didn't know)stopped at my booth to talk.

Góð vinkona tók þessa mynd af mér.
Það er mikil vinna að standa vaktina heila helgi og gott að geta tyllt sér
Nice photograph of my booth(and me).
It's a lot of work to hang and plan your booth...but worth it.
Það er magnað eftir svona langt hlé frá vinnustofunni að byrja á nýrri seríu af myndum. Taka fram myndirnar sem ég var byrjuð á snemma í vor og halda áfram með þær. Grunna nýjar plötur....finna nýtt landslag. Hlakka til að halda áfram, finn kraftinn í vinnunni og held að það sé eitthvað spennandi í bígerð. / It is great to start working at the studio again. Priming old and new paintings, figuring out new landscape. Can't wait to keep on working!!!

Restar/Remains 2019
#workinprogress




  





Saturday, September 28, 2019

Torg Listamessa 4.-6. október - Bás H-16


Um næstu helgi tek ég þátt í Torg listamessu sem SÍM stendur fyrir á hlöðuloftinu á Korpúlfsstöðum. Stór hópur myndlistarmanna verður þarna með verk sín til sýnis og sölu og er tilhlökkunarefni að sjá breitt úrval myndlistar saman komið á einum stað og auðvitað listamennina sjálfa sem verða á staðnum. Þetta er í annað skipti sem messa af þessu tagi er haldin hér á landi en SÍM hélt Torg í fyrsta skipti í fyrra á Korpúlfsstöðum og viðtökur voru framar vonum. Þetta fyrirkomulag er þekkt erlendis og hef ég tekið þátt í nokkrum slíkum messum og fundist það skemmtilegt. Þetta er mikilvægur vettvangur og áhugavert að þarna er hægt að festa kaup á verkum milliliðalaust og spjalla líka við listamennina sjálfa.  Ég verð með bás H-16 kíktu við. / I will be participating in SIM's Torg Art Fair in Korpúlfsstaðir, Reykjavik 4.-6th of October. It is the first(started last year) and only art fair in Reykjavik and I look forward to it. More than 70 artists will be present there. My boot is H-16 so please stop by and visit.


Hér er hlekkur á viðburðinn en ég auglýsi þetta betur sjálf þegar líður á vikuna/Here is a link to the event:

Wednesday, May 29, 2019

Düsseldorf - Listamannadvöl/Artist in Residence

Ég er búin að dvelja í Düsseldorf undanfarnar vikur í svokallaðri "Listamannadvöl". Þetta er skiptiprógram á vegum SÍM og Verein der Düsseldorfer Künstler og byggir á gagnkvæmum skiptum, tveir íslenskir listamenn dvelja í maí í Düsseldorf og tveir þýskir dvelja á Íslandi í ágúst. 
Sumargrænir litir og gróðursæla
Summergreen colors and growth

Gægst inn um gluggann/tímabundin vinnustofa
Look inside/Temporary studio
I've been in Düsseldorf for the past weeks at an artist residency. It is organized by SIM and Verein der Düsseldorfer Künstler and we are two icelandic artists that stay here in May and in return two german artists will stay in Iceland in August.
Heima/vinnustofa
My Atelier
Það er margt sem maður áorkar þegar maður kúplar sig frá daglegri rútínu og fer í sjálfskipaða listræna einangrun/útrás. Düsseldorf er stórborg í listrænu tilliti, með mögnuð listasöfn og kröftuga listasenu með fjölbreyttum listamönnum og stórum nöfnum. Á sama tíma er allt innan seilingar og stutt í allar áttir, hægt að labba, hjóla eða taka strætó.
Gott að byrja með hreint borð/Nóg af öllu tagi
Fresh start/A trip to Boesner
Vinnuborðið/ný nálgun og tilraunir
Working table/new things and experiments
Düsseldorf is a perfect place to explore art and it is grand in a way that it has fabulous museums, a vibrant kultural szene and nature within reach, easy to walk, bike or take the tram to all places within half an hour.
Frá stórri yfirlitssýningu Ai Weiwei í K21
A big retrospective Ai Weiwei in K21

Frá stórri yfirlitssýningu Ai Weiwei í K21
A big retrospective Ai Weiwei in K21

Frá stórri yfirlitssýningu Ai Weiwei í K21
A big retrospective Ai Weiwei in K21
Í vinnustofudvöl sem þessari hefur maður tækifæri til að endurnærast og endurraða því sem skiptir máli, skoða það sem maður hefur verið að gera, velta því fyrir sér hvað mann langar að gera næst og leyfa sér að verða fyrir áhrifum. Skoða listamenn, skoða hugmyndir, skoða aðferðir, skoða allt það sem kemur upp í hendurnar á manni.
Verk í vinnslu/handgerð egg tempera, olíulitur, á gráan pappír
Work in progress/handmade egg tempera, oilcolor on grey multimedia paper

Tilbúið landslag/Synthetic landscape
Eggtempera og blýjantur á Steinpapier/
Eggtempera and pencil on Steinpaper
Given the time and place you have to rearrange your process, look at what you have been doing, where you want to go with your art next, discover new techniques and allow yourself to get influenced bythe things that come to you.
SittArt Gallerí/vinnustofur listamanna byggt af listamönnum 1904
SittArt Gallery/Was built 1904 by artists
Það sem mér finnst einkar inspirerandi hér er þróttmikill kraftur listamanna, gallería og stofnana. Í þessari byggingu eru um 30 vinnustofur listamanna, skrifstofa sambandsins og gallerí. Mjög falleg bygging sem byggð var 1904 af listamönnum(með stuðningi auðvitað)og er í eigu þeirra enn í dag. Hér opnum við Ásta V. Guðmundsdóttir sýninguna Dreggjar/Remains of a Stay á laugardaginn 1. júní kl. 17-20 og sunnudaginn 2. júní er opið frá 14-17 þar sem við verðum með svolítið "gespräch" um "künstlerischen Austausch"milli Íslands og Þýskalands. /It is inspiring to feel the infrastructure and art/institution collaboration in the art scene here. This building was raised 1904 by artists and has 30 artist studios, an office and an Art Gallery, SittArt. We will be showing "Remains of a stay" there on the 1&2nd of June. We also be talking about artist collaboration between Iceland/Germany
Ásta Vilhelmína Guðmundsdóttir
Ásta creative clothes, Hönnuður og listasprengja 
Það á vel við hér að sýna afrakstur dvalarinnar og efna til samtals um listasamstarf/samvinnu. Báðar erum við Ásta starfandi listamenn á breiðum grunni, sýnum verk okkar og tökum þátt í ýmsum sýningum, viðburðum og gjörningum(Ásta þó meira en ég) og stöndum fyrir námskeiðum og fleiru á vinnustofum okkar. /It is really relevant to show our work after this meaningful stay and start a conversation about artist collaboration. We are both artists that work in different areas both artisticly and geographicly by ourselves or in collaboration with other artists and our art societies.
Soffía Sæmundsdóttir
Málarinn við höfnina, Myndlistarkona og litasprengja 
Ekkert jafnast þó alveg á við vinnustofuna mína við höfnina í Hafnarfirði sem mun taka vel á móti mér og það verður gaman að koma til baka með ferskan blæ, halda áfram með verkin sem eru í vinnslu þar eða byrja á einhverju grandíósó!!! /Of course I look forward to come home to my studio and keep on working on those paintings that are there. Bring the fresh energy and perhaps start something GRAND!!!!
 
Sjómannadagurinn er á sunnudaginn! Opið 13-17! Fjölskyldan stendur vaktina á vinnustofunni og mikið um að vera við höfnina sjipp og hoj!